Contoh Pidato Perpisahan

PIDATO PERPISAHAN

KELAS IX (WAKIL KELAS IX)

A.  Nuwun, wilujeng siyang kagem sedayanipun… Mugi kasugengan,katentreman,karaharjan tumanduk dhateng kula tuwin panjenengan sedaya.

B.   Panjenenganipun Bapak Pangarsa Pawiyatan Menengah Pertama Negeri 47 Semarang. Katur dhumateng  Bapak Pangarsa Komite Pawiyatan Menengah Pertama Negeri 47 Semarang.

Pakurmatan ugi katur Bapa tuwin Ibu Dwija Pawiyatan Menengah Pertama Negeri 47 Semarang.

Pakurmatan ugi katur dhumateng sedaya Bapak Ibu tiyang sepuh, wali siswa Pawiyatan Menengah Negeri 47 Semarang.

Sedaya sederek sepuluh kelas IX ingkang kula tresnani.

Kanca kelas VII tuwin VIII ingkang kula tresnani.

C.   Minangka titahing Gusti Allah Ingkang Mahagesang, sumangga panjenengan sedaya kula dherekaken muji sukur dhateng Allah ingkang sampun paring rahmat,taufik sarta hidayah,pramila ing siyang punika kula tuwin panjenengan sedaya saged makempal saperlu mahargya pepisahan kelas IX siswa-siswi Pawiyatan Menengah Pertama 47 Semarang.

D.  Boten kesupen kula ngaturaken panuwun ingkang kathah dhateng kadang pranata acara, ingkang sampun paring. Kalodhangan dhateng kula saperlu matur wonten ngarsa panjenengan sedaya.

E.    Saderengipun nyadong pangaksama ingkang kathah awit kula sampun kumawantun nyela atur anggen panjenengan sami sakeca ngedikan,awrat ngemban dhawuhipun kanca-kanca kelas IX badhe matur pamit.

F.    Boten kraos kula sakanca sampun tigang warsa dangunipun anggen kula sami sinau ing pawiyatan punika, ateges anggen kula sinau ugi sampun rampung. Manawai nuruti pangraos kula sakanca taksih krasan lan remen dipunwucal Bapak Ibu Dwija, nanging panjangka kula sedaya dereng paja-paja rampung pramila purun boten purun kula kedah murnani.

G.   Kula sakanca ngaturaken panuwun imgkang tanpa pepindhan dhateng Bapa tuwin Ibu Dwija ingkang sampun paring piwucal,tuntunan,pitutur kanthi sabar lan tlatos. Mugi-mugi kawruh lan kesaenan kasebat dadosa amal saleh, pikantuk pinwales saking Gusti Allah. Dene, kula sakanca among saged memuji mugi-mugi Bapak Ibu Dwija tansah pinayungan kawilujengan,bagas waeas,lancer rejekinipun. Panuwun ugi katur dhateng Bapak Ibu tata usaha, lan sedaya ingkang sampun nglancaraken pasinaon kula ngantos paripurna.

H.  Kula sakanca ugi ngrumaosi salebeting sinau ing pawiyatan ngriki kathah tindak tanduk ingkang boten mranani ing penggalih, kula nyuwun pangapunten ingkang kathah.

I.       Mugi-mugi kula sedaya saged lulus kanthi biji ingkang sae lan pikantuk sekolah ingkang jumbuh kaliyan pilihan kula sedaya.

J.      Kangge adhik-adhik kelas VII tuwin VIII mugi-mugi saged langkung sae, lan benjingipun saged nggayuh biji ingkang langkung  sae.

K.   Makaten atur kula,bokbilih wonten kalepatan atur kula nyuwun pangaksami.

L.     Mugi rahayua ingkang sami pinanggih,widada kali sing rubeda.

Matur nuwun, wilujeng siyang.